Kinderlieder und -verse

Trostverse

Heile, heile Säge,
drü Tag Räge,
drü Tag Sunneschy,
's wird bald wieder besser sy.

Heile, heile Säge,
drü Tag Räge,
drü Tag Schnee,
's tuet mim Schätzeli nümme weh.

Heile, heile Chätzli,
's Büsi hät vier Tätzli,
vier Tätzli und en lange Schwanz,
morn isch alles wieder ganz.

Fingerverse

Das isch de Tuume,	(Zeige auf Daumen)
dä schüttlet d'Pfluume,	(Zeigefinger)
dä list si uuf,	(Mittelfinger)
dä treit si hei	(Ringfinger)
und dä chly, chly Sapperlott dä isst sie all eleige.	(Kleiner Finger)

Kniereiteverse

Joggeli/Babettli chasch au ryte? Ja, ja, ja!
Häsch d'Bei uf beidne Siite? Ja, ja, ja!
Häsch em Rössli z'ässe gäh? Ja, ja, ja!
Häsch em Rössli z'trinke gäh? Nei, nei, nei!
Dänn rytet mer zum Brunne,
und rytet drümal ume,
dänn macht das Rössli trip und trap,
und rüert dä Ryter ab.

Ryte, ryte, Rössli,
z'Bade staht es Schlössli,
z'Bade staht es goldigs Huus,
da lueged drei Mareye drus:
Die erschti schnätzlet Chryde,
di zweiti, die spinnt Syde,
di dritti, die spinnt Haberstrau,
bhüeti Gott mis Schätzeli au!

Tändeleien

Äugeli, Äugeli,
Näseli, Näseli,
Bäggli, Bäggli,
Chinneli, Chinneli, (jeweils berühren)
Giri-giri-giggs! (unterm Kinn kitzeln)

Feischterli zue,	(Augenlider mit den Fingern leicht zudrücken)
Lädeli zue,	(Ohren kurz nach vorn umklappen)
Türe zue,	(Lippen sanft zusammendrücken)
gschlüsse.	(An der Nase drehen)

	(Kind liegt auf Rücken)
Anke stosse, Anke stosse,	(Beine zum Bauch hochstossen)
Bälleli mache, Bälleli mache,	(Wade mit beiden Händen umfassen und Rollbewegung machen)
druf stryche, druf stryche,	(Streichbewegung auf Wade)
und drybisse!	(Spielerisch in die Wade beissen)

Zäh chlini Zappelmännli zapplet hin und her,	zäh chlini Zappelmännli findet das nöd schwär.
Zäh chlini Zappelmännli zapplet uuf und ab,	zäh chlini Zappelmännli findet das sauglatt.
Zäh chlini Zappelmännli zapplet zringelum,	zäh chlini Zappelmännli findet das nöd dumm.
Zäh chlini Zappelmännli schlüfed is Versteck,	zäh chlini Zappelmännli sind uf eimal weg.

(Wir lassen passend zu den Versen unsere Finger auf dem Körper des Kindes herumzappeln. Am Schluss jedes Mal ein neues Versteck für die Finger suchen: in der Achselhöhle, in den Haaren, hinter dem Nacken, hinter dem Po usw.)

Spielereien

(Beide sitzen sich am Boden gegenüber, Beine leicht gegrätscht, beide Hände haltend. Während dem Singen vor- und zurückwippen.)

Es fahrt es Schiffli ufem See,
hätt vili schöni Sache gsee.
Chunnt de Wind und chunnt de Sturm,
so falled alli Schiffli um. (Seitlich umkippen)

(Man nimmt das Händchen oder Füsschen des Kindes:)

Jetzt wänd mir na es Rössli bschlah, wievill Nägeli mues es haa?

(Kind nennt eine Zahl. Man klopft so viele Male auf das Füsschen/Händchen.)

Jetzt hämmer 's Nägeli zwiit inegschlage, jetzt müemer's wider use chribele-chrabele.

(Mit den Fingern auf dem Rücken des Kindes herumtanzen:)

Holdere-, Holdere-, Holderebock, wievil Finger stönd debock?

(Nur noch einige Finger berühren den Rücken; Kind rät Anzahl.)

Richtig: Häsch es grad errate, 's git en guete Brate.
Falsch: Häsch es nöd verrate, 's git kein guete Brate.
Messer oder Gable oder Löffel?

(Kind wählt eines aus.)

Messer:	Schnyded si, schnyded si, schnyded si	(Mit der Handkante Schneidbewegungen auf dem Rücken durchführen)
Gabel:	Stäched si, stäched si, stäched si	(Mit den Fingerspitzen leicht pieksen)
Löffel:	Höhled si, höhled si, höhled si	(Aushöhlbewegungen)

Himmel oder Höll?

(Kind wählt eines aus.)

Himmel:	Lupfed si, lupfed si, lupfed si	((Unter der Schulter) mehrfach aufheben)
Höll:	Drucked si, drucked si, drucked si	((An der Schulter) sanft niederdrücken)

Lieder

Ich han es chlyses Schiffli
und gang demit zum See.
Ich gib em deet es Schüpfli,
dänn faarts devoo, Juhee!

Gute-Nacht-Lieder

Bimm-bamm, bimm-bamm, los es lüütet,
alli Chinde gönd is Huus.
'S Bäzytglöggli seit: Ihr Chinde,
jetzt isch mit em Spile uus.

Vor dem Essen

En Guete mitenand!
Im schöne Schwyzerland
da säged mir enand:
En Guete mitenand!

Weitere Lieder finden sich auch noch hier.